Teatri Kombëtar Eksperimental e nis sezonin artistik me “Hedda Gabler”, e cila do tw ngjitet në sallën e vogël të Arturbinës.
Hedda Gabler” e Ibsen vjen për herë të parë premierë në skenën shqiptare me regji të bullgarit Botond Nagy, i cili njihet me pseudonimin “bad boy”, për shkak të provokim që bën me shfaqjet.
“Unë besoj se Ibsen është një nga autorët më të dhunshëm në dramaturgjinë botërore, provokimi është instrumenti im i preferuar për të bërë teatër. Kjo shfaqje është përqendruar rreth disa pyetjeve të rëndësishme. Si mund të jetosh kur gjëja më e ngjashme me ty është vdekja? Si mund të dashurosh kur standardet e tua janë më të larta se ty? Si mund të mbijetosh kur je një inspirim për dhunën? Dhe në fakt teatri ka nevojë të ngrejë pyetje të tilla me qëllim që spektatori të ikë në shtëpi i tronditur dhe pse jo të reflektojë mbi jetën”, thotë ai.
Heda Gabler merr jete nga aktorja Ermira Hysi, e cila e cilëson veten me fat për realizimin e këtij kryeroli.
Aktorët vlerësojnë bashkëpunimin me regjisorin bullgar, pasi ai sjell një frymë të re dhe modern me këtë shfaqje.
Lufta e Hedës është kundra realitetit. Në këtë luftë ajo ka një partner. Dashurinë e saj të madhe, kujtimin e babait.
