Ministria e Infrastrukturës dhe Energjisë fiton gjyqin me koncensionarin “Kurum”. Vendimi i gjykatës ndërpret kontratën me turqit, të cilët kishin deri tani me koncesion terminalin e kontenierëve me argumentin se kushtet e saj nuk janë zbatuar. Zëri kryesor i mosrealizimit janë investimet. Vendimi po zbatohet nga përmbaruesit të cilët ndodhen në terminalin e kontenierëve duke kryer procedurat të cilat konsistojnë në kalimin e të gjitha aseteve të këtij terminali në duart e Autoritetit Portual Durrës(APD).
Ministria e Infrastrukturës dhe Energjetikës vendosi ndërpresë kontratën me ‘Kurum’-in, duke e çuar çështjen në gjykatë me pretendimin e “Kurum” nuk i ishte përmbajtur pikave të kontratës duke mos realizuar disa pika ku më kryesorja ishte mosrealizimi investimi.
Pas disa seancave gjyqësore Ministria e fitoi gjyqin me Kurum-in dhe në këto kushte ai do të largohet nga porti i Durrësit.
Kompania “Kurim” nisi punë në portin e Durrësit që në fillim të viteve 2000, pas blenë nga polakët kantierin detar të riparimit të anijeve. Pas vite më vonë për nevojat e zgjerimit të terminalit të trageteve,atyre ju propozua nga ana e Ministrisë së Transporteve të asaj kohe që të këmbenin kantierin detar me terminalin e kontenierëve i cili shtrihet në kalatën nr 6 dhe 7. Volumi i punës në këtë terminal ka njohur rritje nga viti në vit. Brenda vitit në këtë port përpunohen qindra mijëra konteinerë që vijnë e ikin në të 4 anët e botës. Burime nga APD sqarojnë se ende nuk ka ndonjë vendim parlamenti dhe qeverie për këtë shërbim. Në këto kushte, inventari i aseteve do ti kalojë APD dhe derisa të merret ndonjë vendim,ky shërbim do të menaxhohet prej tij.
