Koronavirusi i përhapur në Kinë dhe në vende të tjera ka shkaktuar deri më tani 17 viktima ndërsa janë prekur rreth 581 persona. Për këtë arsye, qyteti Wuhan ku shpërtheu virusi është izoluar i gjithi, veçanërisht pjesa e transportit.
Gjithashtu, shumë vende të botës kanë anuluar fluturimet drejt këtij qyteti, shkruan CNN. Nga ana tjetër, banorët e Wuhan duan të braktisin qytetin por nuk munden.
Nga erdhi virusi?
Autoritetet kineze po punojnë për të gjetur shkakun e koronavirusit. Sipas dyshimeve të para mendohet se virusi ka ardhur nga gjarpërinjtë, konkretisht nga kobra apo kraiti kinez pasi këto lloje gjenden shumë të përhapura në këtë rajon.
Ndërkaq, Organizata Botërore e Shëndetit po zhvillon një mbledhje urgjente për të vendosur nëse kemi të bëjmë me një emergjencë globale, pasi virusi ka prekur edhe njerëz në SHBA, Rusi dhe Meksikë./Fjala.al/
LIVE: Press conference on the Emergency Committee meeting on new #coronavirus (2019-nCoV) https://t.co/8WOYQk9Scf
— World Health Organization (WHO) (@WHO) January 22, 2020
