Premten zëdhënësi i Pentagonit, Jonathon Hoffman është shprehur se rreth 34 anëtarë të shërbimit amerikan janë diagnostikuar me lëndime traumatike të trurit pas sulmit raketor iranian ndaj forcave amerikane në Irak në fillim të këtij muaji.
Presidenti Donald Trump u shpreh në fillim të kësaj jave se dëmtimet e mundshme të trurit nuk janë aq serioze sa plagët fizikë të luftës. Trump më përpara ka komentuar se asnjë anëtar i shërbimit amerikan nuk është dëmtuar në sulmin e raketave iraniane të 8 janarit në bazën ajrore Al-Asad në Irak por raportet e fundit të trupave amerikane tregojnë se të dëmtuarit po trajtohen në lidhje me sulmet e marra.
Gjatë Forumit Ekonomik Botëror në Davos, Zvicër, Trumpit iu kërkua të shpjegojë mospërputhjen e deklaratës së tij ku është shprehur se nuk ka trupa të dëmtuar.
“Jo, kam dëgjuar që ata kanë dhimbje koke, por unë do të thoja, nuk është shumë serioze,” u përgjigj Trump gjatë një konference për shtyp./Fjala.al
