Numri i viktimave në Turqi është rritur në 14 si pasojë e tërmetit shkatërrimtar me magnitutë 6.5 që goditi juglindjen e vendit. Mbi 230 persona janë shtruar në spitale për ndihmë mjekësore dhe ku dy prej tyre ndodhen në gjendje kritike për jetën.
Temperaturat në Elazig, epiqendra e tërmetit, kanë zbritur në -6°C, por ekipet e emergjencave vijojnë me shpejtësi operacionet e kërkimit për të shpëtuar nga rrënojat personat e bllokuar.
Me dhjetëra ndërtesa u shembën në Elazig dhe Malatya, që janë edhe dy qytetet më të prekura nga tërmeti. Sipas raportimeve, 8 persona janë regjistruar të vdekur në Elzaig dhe 6 janë regjistruar në Malatya. Autoritetet i frikësohen rritjes së numrit të viktimave për shkak të temperaturave të ulëta, por edhe për shkak se toka vijon të lëkundet ende.
“Si President, dua që të dini se po e ndjekim situatën nga afër. Po qëndrojmë pas popullit me të gjitha institucionet dhe organizatat. Shpresoj për mëshirë nga Zoti për vëllezërit tanë që humbën jetën nga tërmeti dhe uroj shërim të menjëhershëm për ata që kanë mbetur të lënduar”, iu drejtua Rexhep Taip Erdogani popullit pas tragjedisë.
Një tërmet me magnitutë mbi 4 u regjistrua në mesditë në afërsi të Elazig, por rreth orës 19:00 zona u godit nga tërmeti më i fortë me magnitutë 6.5. Ai u pasua me dy goditje të tjera me magnitutë 5.4 dhe 5.1. Autoritetet turke kanë bërë me dije se deri më tani janë regjistruar 40 pasgoditje me magnitutë nga 2.7 në 5.4.
Përveç shembjes së godinave, lëkundjet kanë dëmtuar edhe tubacionet e gazit në ndërtesa të tjera, të cilat u përfshinë nga zjarri. Fatmirësisht nuk ka patur asnjë të lënduar nga flakët.
▶️A fire broke out at a residential building in eastern province of Elazig, Friday, January 24, after a powerful earthquake hit eastern Turkey, killing at least eight people.
?Magnitude-6.8 Earthquake Hits Turkeyhttps://t.co/UxExQ5VI9G pic.twitter.com/bFnt9NwKsy
— The Voice of America (@VOANews) January 24, 2020
500 mijë njerëz llogaritet se i kanë ndjerë të forta lëkundjet e tërmetit shkatërrimtar. Por lëkundjet janë ndjerë edhe në Siri, Irak, Liban, Izrael dhe Greqi.
