Një vajzë shqiptare që gjendet në burg në Francë, nën akuzën e vrasjes në bashkëpunim, i ka kërkuar gjykatës të lirohet pasi sipas saj nuk është autore e atij krimi të rëndë. Bashkë me të nën të njëjtën akuzë është edhe një i ri, po shqiptar i cili ka mohuar kategorikisht që është ai autor i vrasjes.
Por sipas hetimit më shumë se 1 vjeçar të asaj vrasjeje, mësohet se ajo dyshohet se ishte i përfshirë, me ish-të dashurin, në vrasjen e një të moshuari, trupi i të cilit u zbulua në bagazhin e veturës së saj, në qershor 2018, në Clermont-Ferrand.
E burgosur që nga qershori 2019-s, paraqiti kërkesë për lirim para gjykatës në Riom të martën. Dyshohet se ishte e përfshirë, me atë që tani është ish-shoqëruesi i saj, në vrasjen e Djelloul Boudjemaa, 78 vjeç, trupi i të cilit ishte gjetur në bagazhin e një makine, në qershor 2018, në Clermont-Ferrand.
Pas disa muajsh në arrati, Evisa S., tani 26 vjeç, u arrestua përfundimisht në Mal të Zi në Dhjetor 2018. Ish i dashuri i saj, Eljando D., 24 vjeç, gjithashtu dyshohet se kishte marrë pjesë në krimi, ndërkohë ishte arrestuar një muaj më vonë në Belgjikë.
Më pas ata u transferuan në Francë në qershor përpara se të akuzoheshin dhe u futën në paraburgim. Që atëherë, dy shqiptarët, të dy nga i njëjti qytet, Shkodra, nuk kanë ndaluar së akuzuari njëri-tjetrin për vdekjen e Djelloul Boudjemaa, i cili thuhet se ka ndërhyrë në një situatë të trafikut të drogës. Deri në dhjetorin e kaluar, kur, në një përballje të re para gjykatësit, i riu do të përjashtonte përfundimisht Evisa S., nga vrasja.
Ndërsa është planifikuar një rindërtim i fakteve që në fillim të marsit, shqiptarja paraqiti, të martën në mëngjes, një kërkesë për lirim në Gjykatën e Apelit nga Riom.
Avokati i Përgjithshëm, Raphael Sanesi, tha se ‘në parim nuk e kundërshtoj këtë kërkesë’! Por ai megjithatë pyeti për garancitë e përfaqësimit të të riut shqiptar. Avokatja e Evisa S. tregoi se klientja e saj, ‘e cila nuk ka luajtur asnjë rol, qoftë parësor apo sekondar, në këtë vrasje, ka një projekt akomodimi, përmes një apartamenti të përbashkët, në Lion!. Ky argument, nuk ka qenë i mjaftueshëm për të bindur gjykatësit e Riomit. Ata kundërshtuan, të enjten, kërkesën për lirim, duke e lënë në burg shqiptaren Evis S.
Burimi /Lamontagne.fr/ Përgatiti N.K/Fjala.al/
