Arrestimi i Xhevahir Jonuzaj në Vlorë, një i dënuar qysh prej vitit 1999 me 25 vite burg për vrasjen Shezai Belaj dhe Shkëlqim Gurhana, ka nxjerë në dritë fakte të reja, pasi Jonuzaj prej kohës kur ka kryer krimin e deri më sot, qarkullonte i lirë, i armatosur dhe përdorte një pasaportë biometrike. Kjo pasaportë biometrike është sekuestruar nga policia e Vlorës, ku u zbulua se Jonuzaj ka përdorur të dhënat personale të një qytetari nga Sukthi i Durrësit, me emrin Sutki Lala.
Pikërisht nën këtë emër fshihej prej disa vitesh Xhevahir Jonuzaj, i cili në pasaportën biometrike ka futur vetëm foton e tij, ndërsa emrin dhe ditëlindjen 14 korrik 1979, ia kishte vjedhur një qytetari nga Sukthi i Durrësit.
Jonuzaj, gjatë momentit të arrestimit, nga forcat policore RENEA në fshatin Hoshtimë, ka qëlluar dy herë me pistoletë drej policisë,duke tentuar ti shmanget dhe ti iki, rrethimit të uniformave blu. Por siç del edhe në dokumentat e prokurorisë, plot dy herë i është kundërpërgjigjur RENEA, ku një nga plumbat e ka kapur në këmbë Jonuzaj, duke i ndalur vrapin që ai kishte nisur për tu larguar. Gjatë kontrollit të banesës Jonuzaj ju sekuestrua një palë dylbi cilësore, ndërsa në momentin e arrestimit ju bllokua një pistoletë tip TT me tre plumba na karikator.
Dy ditë më parë, Jonuzi ka dalë para gjyqtarit të Vlorës Ervin Trashi, ku është njohur me masën e sigurisë “arrest në burg”, për sa i përket akuzës së “Mbajtjes pa lejë të armës” dhe “Falsifikimit të pasaportës biometrike”. Ndërsa në ngarkim të Xhevahir Jonuzaj është në fuqi dhe një vendim me 25 vite burgim pëhr akuzën e vrasjes me paramendim ndaj dy personave Shezai Belaj dhe Shkëlqim Gurgana.
