George Soros akuzon Facebook-un se po punon për rizgjedhjen e Donald Trump në Shtëpinë e Bardhë. Soros deklaroi se Facebook po ndihmon Trump fushatën zgjedhore të këtij viti në këmbim të mbrojtjes nga Presidenti.
“Facebook do të punojë që Trump të rizgjidhet President, dhe Trump do të mbrojë Facebook. Kjo më shqetëson shumë për rezultatin e zgjedhjeve për 2020-tën,” tha miliarderi hungarez i lindur në SHBA në një fjalim në Davos. “Kjo më shqetëson shumë për rezultatin e vitit 2020.”
Një zëdhënës i një kompanie Facebook më vonë deklaroi se “deklarata e Soros është thjesht e gabuar”.
Në një darkë të organizuar nga fondacioni i tij i “Shoqëria e Hapur”, Soros hodhi akuza të forta ndaj Trump, Xi Jinping të Kinës, Narendra Modi të Indisë, Jair Bolsonaro të Brazilit dhe Viktor Orbán të Hungarisë.
Soros e përshkroi Trump si “narcisistin e fundit” dhe e quajti Xi Jinping një “diktator”, ndërsa vlerësoi adoleshenten Greta Thunberg, si aktivisten kryesore për klimën.
Gjithashtu, Soros tha që ai kishte vendosur të nisë projektin më të rëndësishëm të jetës tij – një investim prej 1 miliardë dollarësh në “të menduarit kritik” përmes një rrjeti të ri të kolegjeve dhe universiteteve. Burimi: Politico.eu, Përshtati: Fjala.al
