Gjendja alarmante dhe frikësuese nga virusi që po tmerron botën ka bërë që edhe në vendin tonë të ketë probleme madhore jo vetëm me sëmundjen e gripit por edhe me menaxhimin e situatave emergjente që vijnë në urgjencat e spitaleve.
Alarmi si gjithnjë vjen nga qendra më e madhe spitalore në vend, ku një grua i ka thënë tv ABC se po e ndërron dhe e ushqen foshnjën e vet vetëm 45 ditëshe në makinë, pasi askush nuk ia merr përsipër të ia shtrojë.
Sipas të dhënave kjo grua-nënë detyrohet ta ushqejë dhe ndërrojë foshnjën 1-muajshe e gjysmë në makinë, në temperatura të ulëta. Ajo ka dy ditë që shkon në Urgjencën e Pediatrisë në QSUT, por askush nuk shqetësohet për gjendjen e fëmijës. Kolla i dëgjohet qartë edhe për ato pak minuta që qëndron para kamerës.
Nëna e foshnjës tejet e shqetësuar kërkon ndihmë: “U bë 2 orë që po pres me foshnjën këtu në makinë. E kemi sjellë ditën e parë dhe mjekja dha se kjo ka nevojë të shtrohet në pavijon por nuk ka vende. I thashë si do bëhet, por s’mora përgjigje. Po vijnë të tjerë nga Shkodra dhe po i shtrojnë. Unë e kam shtëpinë këtu afër (tek Amerikani) vjen fundi nuk ka vende…Po si do bëhet me këtë fëmijë tani?!”
Ende nuk dihet se çfarë do bëhet me fatin e atij fëmije, ndonëse thuajse çdo ditë ministrja e Shëndetësisë bashkë me kryeministrin kanë promovuar ambiente shtesë për të sëmurët, ambiente që si duket mbyllen me orar zyrtar! n.k/Fjala.al/
