Një familje nga Kombinati në Tiranë ka rreth 2 muaj që po flenë në një makinë të vogël pasi pallati ku jetojnë ka dalë i pabanueshëm. Në sediljet e para flenë dy prindërit ndërsa në ato prapa fëmijët.
Kryefamiljari Ferdinand Saraci, 53-vjeç është i papunë por pas tërmetit të 26 nëntorit tashmë është edhe i pastrehë.
Në një intervistë për Ballkanweb, kryefamiljari shprehet se pas tërmetit janë pajisur me një çadër e cila që me shiun e parë është përmbytur dhe kjo i ka detyruar ata të jetojnë në makinë. Ata shprehen se nga bashkia kanë marrë vetëm një çadër dhe një muaj bonus për janarin.
I gjendur në këtë situatë kryefamiljari, Ferdinand Saraci shprehet se ka ka marrë një kredi në bankë me vlerë dy milionë lekë për të gjetur një shtëpi me qira, por përballet me faktin se qiratë janë rritur ndjeshëm dhe askush nga pronarët nuk pranon të lidhë një kontratë qiraje./Fjala.al
