Trajneri i skuadrës së Tottenham, Jose Mourinho ka filluar me piketimet e rëndësishme të merkatos, ashtu siç di të bëjë vetëm ai.
Portugezi dëshiron që të kalojë në Premierë Ligë yllin e Real Madrid,Gareth Bale dhe kjo gjë është bërë me dije nga raportimet e “Daily Express”.
“Spurs” duan që të bëjnë blerje të fuqishme në mënyrë që të tentojnë të ngrihen në nivelet e duhura për të siguruar kualifikimin në Ligën e Kampionëve. Klubi anglez ka komunikuar me drejtuesit e madrilenëve për të huazuar Bale-n në Tottenham deri në verë e pastaj për t’ia rikthyer sërish spanjollëve, por kjo kërkesë është hedhur poshtë nga klubi bardhezi si dhe nga agjenti i lojtarit.
Megjithatë palët janë duke diskutuar për një transferim të lojtarit, por problemi qëndron te paga e tij, pasi Balë ka një rrogë prej 15 milionë eurosh në sezon dhe kjo shifër është pak e lart për një klub si ai i Tottenham. Ndër të tjera duhet theksuar se Bale është një nga piketimet e trajnerit Mourinho në këtë merkato./Fjala.al/
