Në stadiumin “Niko Dovana” në Durrës është duke u luajtur sfida midis skuadrës së Teutës dhe asaj të Bylisit.
Kjo ndeshje e vlefshme për javën e 19-të të Kategorisë Superiore është zhbllokuar në minutën 11-të ku Lorenco Vila ka shënuar golin e avantazhit për ekipin e Teutës.
Vila tentoi të shënonte nga jashtë zone duke gjetur rrjetën me një goditje fantastike dhe nuk i la shumë mundësi Hidit për reagim.
Rikujtojmë se “Djemtë e detit” vijnë në këtë ndeshje pas humbjes 0-1 ndaj ekipit të Laçit, ndërsa Bylisi e mbylli javën e kaluar me disfatën 2-1 në takimin me bardheblutë e kryeqytetit. Kjo ndeshje për ekipin e Teutës është e rëndësishme për t’u ruajtur nga zona e rrezikut ndërsa për skuadrën e Ballshit, duhet fitore për t’u rikthyer në pretendentë të titullit kampion.
Formacionet zyrtare:
Teuta: Frashëri, Todorovski, Hoxha, Arapi, Kouros, Aleksi, E. Vila, Kallaku, Cyrbja, L. Vila, Kulibali.
Bylis: Hidi, Ntepe, Shkalla, Bicaj, Peposhi, Hadroj, Murataj, Bajramaj, Zuluaga, Ndreca, Guindo./Fjala.al/
