Një mori dorëheqjesh po edhe shkarkimesh kanë bërë që këshilli i Lartë i prokurorisë dhe i Gjykatës të trefishojnë pranimet në magjistraturë. Bëhet fjalë për vitin 2020-21, kohë në të cilën pretendohet që numri i të pranuarve në shkollën e Magjistraturës të jetë i madh.
Të dhënat tregojnë se bëhet fjalë për 180 shkarkime dhe dorëheqje. Zyrtarisht bëhet me dije se për vitin akademik 2020-2021, KLP ka vendosur të rekrutojë 35 magjistratë për prokurorë ndërsa Këshilli i Lartë Gjyqësor 40 magjistratë për gjyqtarë, diku te një shifër që afrohet 80 magjistratëve.
Prej jo pak po 20 vitesh, kur magjistratura ka hapur dyert për herë të parë ky është numri më i lartë i pranimeve pasi më herët kanë variuar nga 8 deri në 25 magjistratë. Të gjithë magjistratët të cilët do të rekrutohen për të ndjekur studime tre vjeçare, 2 vite teori dhe një vit praktikë në Prokurori e Gjykata do t’i nënshtrohen Vetting-ut në dy faza.
Nisja e shkollës prej tyre do të bëhet pasi më parë KLP dhe KLGJ do të japin dakortësinë për ta dhe po ashtu emërimi do të bëhet përpara se Komisioni i Pavarur i Kualifikimit t’i certifikojë. Shkolla e magjistraturës pritet që në fillim shkurtit të transferohet pranë Polit të Drejtësisë aty ku do të kenë selinë edhe shumë institucione të reja si KLP dhe KLGJ. n.k/Fjala.al?
