Edhe pse Wuhan është i izoluar dhe nuk ka asnjë person i cili shkon drejt këtij qyteti, kjo nuk e ka ndaluar kryeministrin e Kinez Li Keqiang, që të shohë gjendjen e popullit të vet. Ai ka udhëtuar drejt Wuhan duke u ndalur në një supermarket teksa dëgjohet të mbajë një fjalim përpara blerësve.
Gjithashtu kreu i Organizatës Botërore të Shëndetit ka udhëtuar për në Pekin pasi më shumë se 2.700 raste raportuan në Kinë të kontaminuar nga coronavirus.
Numri i vdekjeve nga virusi është rritur në 81, pasi provinca ishullore jugore e Hainan raportoi fatalitetin e saj të parë. Ishte një grua 80-vjeçare që vdiq nga virusi, familja e së cilës mbërriti nga Wuhan më 17 janar. Provinca Hubei, ku ndodhet Wuhan, ka patur 76 nga vdekjet e raportuara deri më tani.
Virusi po përhapet me shpejtësi pasi është shumë ngjitës, dhe një njeri i infektuar mund ta transmetojë te të tjerë edhe nëse nuk ka shfaqur ende simptoma.
Në fazat e para ky virus shkakton temperaturë të lartë, kollë dhe diare ndërsa kur situata përkeqësohet virusi shkakton pneumoni te pacientët. Shumë aeroporte në mbarë botën kanë marrë masa për parandalimin e virusit duke i kontrolluar udhëtarët që kanë temperaturë të lartë ose ndonjë simptomë tjetër që lidhet me coronavirusin./Fjala.al
https://twitter.com/QiZHAI/status/1221700582068514817?ref_src=twsrc%5Etfw%7Ctwcamp%5Etweetembed%7Ctwterm%5E1221700582068514817&ref_url=https%3A%2F%2Fwww.theguardian.com%2Fworld%2Flive%2F2020%2Fjan%2F27%2Fcoronavirus-china-death-toll-climbs-to-80-with-more-than-2700-cases-live-updates
