Në një deklaratë për mediat, ministrja e Shëndetësisë Ogerta Manastirliu ka folur për situatën e përgjithshme dhe masat që janë marra në lidhje me mundësitë e përhapjes së coronavisusit.
Sipas saj Shqipëria mbetet me rrezikshmëri të ulët për sa i përket infektimit nga virusi coronavirus dhe janë marrë të gjitha masat e nevojshme. Ajo shton se çdo veprim në Shqipëri është në koordinim me Organizatën Botërore të Shëndetësisë
“Aktualisht Instituti i Shëndetit Publik ka marrë masat bashkë me të gjitha spitalet e vendit. Sipas rekomandimeve deri në këto momente komiteti i posaçëm nuk ka shpallur situatën e emergjencës por është në monitorim. Kjo situatë në Shqipëri po menaxhohet dhe çdo veprim është në koordinim me Organizatën Botërore të Shëndetësisë.”, -u shpreh ajo.
Minsitrja u shpreh se sipas informacioneve të mara në OBSH nuk është informuar ende për ndonjë kufizim në ushqim, ndërkohë që ka konfirmuar se janë marrë masat e nevojshme për rritjen e sigurisë në pikat kufitare. Mospatja e një linje ajrore drejtpërdrejt me Kinën na bën një vend me risk më të ulët infektimi se vendet e tjera Europiane.
“OBSH nuk rekomandon ndonjë kufizimn në ushqim. Ne kemi marrë masat për rrijten e sigurisë në pikat kufitare. Duhet thënë se duke mos pasur linja ajrore me Kinën jemi më risk më të ulët se vendet Evropiane. Kapacitetet tona për të përballuar këto situata janë të konfirmuara tashmë. Kemi një laborator të standardizuar për identifikimin e diagnozës për sa i përket visursi, gjithashtu staf të trajnuar për të trajtuar rastet e infektuara, kemi kapacitete për sterilizim dhe ekipe mjekësore të përgatitura. Çdo hap që në bëjmë është në zbatim të rregullores ndërkombëtare të shëndetit.”, -është shprehur ajo./Fjala.al
