Kategoria Superiore do të rikthehet sërish më datë dy shkurt, ku një nga ndeshjet që duket më interesante është ajo midis skuadrës së Tiranës dhe asaj të Teutës.
Ekipet të vendit të dytë dhe të tretë të kategorisë do të përballen në javën e 20-të me njëri tjetrin për të synuar grumbullimin e sa më shumë pikëve në mënyrë që të marrin vendin e parë të Superligës.
Për këtë sfidë bardheblutë e kryeqytetit kanë bërë një sondazh në “Facebook” ku i pyesin mbështetësit e tyre, nëse duhet ta luajnë takimin me “Djemtë e detit” në stadiumin “Air Albania” dhe jo në “Selman Stërmasi”.
“Sondazh ?
️ Duke vleresuar shume te rendesishme ndeshjen e rradhes ne kampionat, KF Tirana fton tifozet bardheblu te votojne me komente njeren nga dy alternativat e mundshme.
️ “Air Albania” apo “Selman Stermasi”, ne cilin stadium deshironi te luhet ndeshja Tirana – Teuta, te dielen ora 17:00.
️ Sondazhi behet per te siguruar nje mbeshtetje masive te tifozerise bardheblu.”-thuhet në postimin e bardhebluve.
Ky takim do të mbahet në orën 17:00 ditën e Djelë, por vendi se ku nuk është vendosur ende. Rikujtojmë se në ndeshjen e fundit atë me skuadrën e Luftëtarit, Tirana mori një fitore spektakolare me rezultatin 5-1, ndërsa Teuta fitoi 1-0 ndaj skuadrës së Bylisit.
Dy ndeshje të tjera që do të luhen në datën 2 shkurt janë ajo midis Luftëtarit e Partizani si dhe Flamurtari-Kukësi. Ndërsa, më 3 shkurt do zhvillohen dy takimet e fundit Laç-Skënderbeu dhe Bylis-Vllaznia.
Datat dhe oraret:
Luftëtari-Partizani 2 shkurt ora 14:00
Tirana-Teuta 2 shkurt ora 17:00
Flamurtari-Kukësi 2 shkurt ora 17:00
Bylis-Vllaznia 3 shkurt ora 14:00
Laç-Skënderbeu 3 shkurt ora 14:00/Fjala.al/Katerina Tafa/
