Bota sportive dhe e gjithë bota janë në gjendje shoku pasi legjenda e Los Angeles Lakers, Kobe Bryant, nuk është më. Një nga kampionët më të mëdhenj në historinë e basketbollit, vdiq të Dielën në moshën 41 vjeçare në një aksident me helikopter.
Helikopteri që mbante kampionin e NBA, u rrëzua në motin e mjegullt në veri-perëndim të Los Anxheles. Zyrtarët lokalë thanë që zjarrfikësit morën një telefonatë pak para orës 9:37 me të mëngjesit në lidhje me aksidentin, i cili shkaktoi një zjarr në një kodër. Edhe pse shkaku i aksidentit nuk është i njohur akoma, Los Angeles Times citon se disa ekspertë të cilët janë duke bërë hetime përmendin motin si një nga shkaktarët e kësaj tragjedie.
Sipas një burimi policie ka qenë pikërisht mungesa e shikimit si pasojë e mjegullës e cila bëri që helikopteri të rrëzohej.
“Moti nuk i plotësoi standardet as minimale të fluturimit,” –është shprehur zëdhënësi i policisë Josh Rubenstein.
Gjithsej nëntë njerëz vdiqën në aksident dhe nuk kishte asnjë të mbijetuar.
“Kishte nëntë njerëz në bord, piloti dhe tetë njerëz,” -tha Sherifi i Qarkut në Los Angeles, Alex Villanueva.
Ndër viktimat në helikopter ishin: një trajneri i bejsbollit, John Altobelli, 56 vjeç, gruaja e tij, Keri, dhe një nga dy vajzat e tyre, Alyssa. Sipas njoftimeve të mediave lokale, viktimat e tjera ishin: një vajzë adoleshente dhe një të afërm të saj. Emrat e viktimave nuk do të bëhen publike të gjitha derisa autoritetet të identifikojnë zyrtarisht trupat pasi është mosrespektuese që familja të mësojnë nga faqet e lajmeve humbjen e familjarëve të tyre.
NTSB, agjensia amerikane përgjegjëse për sigurinë e transportit, njoftoi se kishte dërguar një ekip prej 18 personash në Kaliforni për të marrë pjesë në hetimin e aksidentit. Sipas saj, helikopteri ishte i llojit Sikorsky S-76B ndërsa kutia e zezë e tij do të duhet të rikuperohet nga hetuesit./Fjala.al
