Arben Beqiri, portieri i skuadrës së Trepçës është diagnostifikuar së fundmi me sëmundjen e kancerit.
Ky rast ka prekur të gjithë të pasionuarit pas këtij sporti, por dhe më gjerë, ku duket se shumë veta me anë të posteve në rrjetet sociale shprehën mbështetje për 31-vjeçarin.
Për këtë rast Superliga dhe Liga e parë e Kosovës vendosën në dispozicion llogari bankare për të mbledhur donacione që do i vinë në ndihmë futbollistit.
Në Asamblenë e Komitetit Ekzekutiv të Federatës së Futbollit të Kosovës mbledhur ditën e sotme, u dorëzuan 16 zarfe nga 16 klube për Beqirin raporton “Insport”.
Megjithatë mësohet se shifra e mbledhur është zhgënjyese dhe se në total këto klube kanë dorëzuar vetëm 1600 €.
Kjo shumë mund të cilësohet edhe si qesharake në lidhje me rastin e lojtarit, pasi aq para nuk mund të bëjnë asgjë./Fjala.al/
