Vladimir Putin pak kohë më parë ka zbuluar se komandonte një batalion artilerie gjatë periudhës sovjetike, një detaj të fshehtë të biografisë së tij që ishte i panjohur. Putin e ka bëri komentin gjatë një vizite në Shën Petërburg, ku tërhoqi levën e një topi si përshëndetje mbi lumin Neva.
“Mora gradën e togerit si një artiljer, si komandant batalioni i artilerisë obus… 122mm ,” u shpreh Putin.
Biografia zyrtare e Putinit nuk e përmend gradën e tij ushtarake të togerit apo pozitën e tij si komandant i një batalioni artilerie.
Sipas Kremlinit, Putini iu bashkua KGB-së menjëherë pas diplomimit nga fakulteti i drejtësisë në Universitetin Shtetëror të Leningradit në 1975. Ai kaloi 16 vjet në shërbimin e sigurisë sovjetike, duke u rritur në rangun e nënkolonelit të KGB para rënies së Bashkimit Sovjetik më 1991.
Megjithatë, të gjithë studentëve të fuqishëm në universitetet sovjetike iu kërkua të bënin stërvitje ushtarake, pas së cilës morën gradën e oficerit rezervist dhe me gjasë kësaj i referohej Putin.
Deklarata e presidentit rus erdhi pasi letra e tij e vjetër e identifikimit të policisë së fshehtë gjermane “East German” u tha se ishte zbuluar në arkivat STASI-ti.
Putini shërbeu si oficer i KGB-së në Dresden në vitet 1980. Kremlini as e ka konfirmuar dhe as e ka mohuar se Putinit i ishte lëshuar një dokument identifikimi nga STASI.
Ka pak informacion të besueshëm për punën e Putinit në Dresden; një mundësi është se ai ishte ngarkuar me kapjen dhe rekrutimin e të huajve që studionin ose punonin në qytet.
Dihet që Putini ka punuar në kundërzbulimin gjatë ditëve të tij në KGB. Disa raporte pohojnë se detyrat e tij në KGB-së përfshinin mbikëqyrjen e disidentëve politikë sovjetikë, por këto kurrë nuk janë konfirmuar.
Përgatiti: L.Veizi
Burimi: The Guardian
