Një tërmet i fuqishëm me magnitudë 5.0 goditi para pak minutash Durrësin dhe Tiranën.
Epiqendra është në Hamallaj, 29 kilometra nga Durrësi, me thellësi 10 km.
Lëkundja sizmike mbrëmjen e sotme zgjati disa sekonda. Tërmeti ka shkaktuar frikë dhe panik në zonën e Durrësit, të cilat kanë dalë në rrugë. Ende nuk raportohet për dëme materiale nga lëkundjet.
Kjo është lëkundja më e fortë sizmike që godet sërish vendin tonë me epiqendër po në Durrës që pas 26 nëntorit të 26 nëntorit që ishte 6.4 ballë dhe që shkaktoi 51 viktima dhe dëme të shumta materiale.
Qytetarët e Tiranës kanë dalë në rrugë nga frika e lëkundjeve të tjera, ku shumica po përdorin makinat e tyre për të kaluar natën në to duke rënduar edhe trafikun siç shihet edhe nga video e dërguar në redaksinë e ‘Fjala.al’
Situata duket po aq dramatike në qytetin e Durrësit ku qytetarët kanë marrë fëmijët dhe kanë dalë në rrugë të tramatizuar nga lëkundjet e tërmetit, siç shihet edhe në videon e mëposhtme.
Ky tërmet vjen vetëm një orë pas tërmetit me magnitudë 7.7 që goditi sot Xhamajkën. /Fjala.al/
