Detaje të reja janë zbardhur për pengmarrjen dhe vrasjen e Jak Prengës, babait të pesë fëmijëve në Kamëz.
Referuar dosjes së hetimit, kamerat e sigurisë kanë regjistruar momentin kur makina e bardhë me të cilën është rrëmbyer Jak Prenga ka hyrë brenda resortit “Golden” në Shijak.
Pak minuta më vonë katër personat që akuzohen për rrëmbimin dhe vrasjen e Jak Prengës, kanë nxjerrë trupin e pajetë të 49-vjeçarit dhe pasi e kanë mbështjellë me qese e kanë future në një fugon.
Fugoni kishte rreth 7 orë që qëndronte i parkuar në oborrin e resortit, më pas autorët kanë marrë mjete pune dhe dyshohet se kanë shkuar për të varrosur trupin e Pregës. Rreth një ore më vonë ata janë kthyer sërish në resort.
Nga përgjimet autoritetet kanë zbuluar se personat që kanë marrë pjesë në rrëmbimin dhe vrasjen e Jak Prengës janë: M.B nga Shkodra i njohur për trafikimin e drogës nga Ekuadori në vendet e BE.
K.G gjithashtu nga qyteti i Shkodrës i përfshirë më herët në aktivitete kriminale ne vendet e BE.
Dyshohet se K.G është personi që ka çuar mesazh për marrjen peng të Prengës.
G.D gjithashtu i njohur në vendet e BE për aktivitete kriminale, konsiderohet personi kyç që urdhëroi rrëmbimin e Jak Prengës pasi që vëllai I tij nuk transportoi në destinacion sasinë e kokainës.
D.R nga Vlora, i njohur në qytetin e tij si personazh i fuqishëm në botën e krimit./Fjala.al
