Festim Bexhdilli është personi më i fundit i arrestuar për llogari të ngjarjes horror të ndodhur nën hundën e policisë 12 ditë më parë. I riu, i cili mësohet se është i moshës 30 vjeç është arrestuar pasditen e djeshme në zonën e Shkëmbit të Kavajës, në hotel, atje ku ishte i strehuar prej disa ditësh.
Referuar të dhënave konfidenciale mësohet se i arrestuari i ditës së martë është një nga autorët e rrëmbimit. Madje dyshohet dhe akuzohet edhe si personi që mundi të zhdukte trupin e Jan Prengës, bashkë me dy persona të tjerë të grupit Hajri, grup i cili tashmë thuajse është i destinuar t`u dorëzohet hetimeve.
Burimet e policisë tregojnë se kanë të dhëna të plota dhe detaje të mjaftueshme të cilat tregojnë pjesëmarrjen e Bexhdillit në këtë krim. Atij iu kanë gjetur një sërë materialesh komprometuese, po ashtu si edhe dy aparate celular dhe një sasi e madhe eurosh. Policia po përpiqet të mbaj fort detajet kyçe që lidhen me implikimin e këtij personi në rrëmbimin, torturimin dhe zhdukjen e trupit të 49-vjeçarit pukjan. Bëhet me dije se Bexhdilli është ushtar i Altin Hajrit ndaj edhe ka qenë i angazhuar ditën e ngjarjes me punët kryesore në atë krim.
Të arrestuarit për Prengën
Elton Hajri 32 vjeç, banues në Shijak;
Bajram Hajri 64 vjeç, banues në Shijak
Leonard Hajri35 vjeç, banues në Shijak, i dënuar më parë
Olsi Turja 36 vjeç, banues në Shijak
Festim Bexhdilli, 30 vjeç, nga Kavaja
n.k/Fjala.al/
