Detaje të tjera zbardhen nga ngjarja e ndodhur mëngjesin e sotëm rreth orës 04:00, ku mbeti i plagosur një 49-vjeçar në fshatin Kopaçëz të Delvinës.
I plagosuri Martin Doda deklaroi se u qëllua pasi ka dalë nga banesa rrugës për të shkuar në Lezhë.
Policia është duke hetuar pistën për një hakmarrje të mundshme, ndërkohë që ka shoqëruar si autor 73-vjeçarin Kadri Nora.
Gjatë kontrollit në banesë 73-vjeçarit i’u sekuestrua një armë e tipit ’AK 56 kallashnikov’, që dyshohet se ka qenë arma e përdorur.
Hakmarrja e mundshme dyshohet pasi në vitin 2015, djali i 73-vjeçarit, Eduard Nora, që punonte si bari u gjet i plagosur në këmbë me armë zjarri, por në pritje të autoambulancës i riu humbi jetën.
Ekspertiza mjeko-ligjore zbuloi se i riu ishte qëlluar me armë zjarri, por në vendngjarje nuk u gjetën gëzhoja. Për këtë ngjarje 73-vjeçari akuzonte si autor Martin Dodën i cili punonte së bashku me të birin si bari./Fjala.al
