Deputetja Rudina Hajdari ka replikuar me kryeministrin Edi Rama në lidhje me ndërtimet pa leje. Deputetja nuk ka harruar pa përmendur edhe Durrësin duke hedhur akuza të forta ndaj ish-kryebashkiakut të këtij qyteti Vangjush Dakos.
Sipas saj, Shqipëria është vendi më i korruptuar dhe se po konkurrojmë Afganistanin dhe Sirinë. Hajdari nuk ka harruar të përmendë se sot asnjë mur nuk ndërtohet pa ryshfet.
“ E dëgjuat kryeministrin. Foli sikur s’ka qenë asnjëherë në Shqipëri. Sikur s’ka qenë kryetar bashkie e nuk e di ç’bëhet me ndërtimet pa leje. Akuzon për leje jashtë standardi, kate pa leje. etj. Por kush e ka fajin.. e kam unë? Kush e betonizoi Durrësin, kush e mbështeti Vangjush Dakon? Unë apo kryeministri në foltore. Kush e ka fajin për gënjeshtrat që sot nuk ka parqe nuk ka lodra, janë kthyer në gropa për pallate. Kush e ka fajin për ata?
Apo nuk flet për ata.. po merren me qytetarët që po ndërtojnë 4 kate pa leje . Po ky është skandal. Ke një vit që endesh në Evropë e merresh me egoizmin tënd, që s’ka mbarim. Bën foto me Merkel, e të tjerë. Nuk ke të ngopur, do të tregosh se je lideri suprem i këtij vendi.
Mendon se këto takime do i ndryshojnë jetën qytetarëve. Janë ambicie personale që s’kanë të bëjnë me jetën e qytetarëve sot.”-tha Hajdari/Fjala.al
