Është hedhur shorti për fazën çerekfinale të Kupës së Mbretit në Spanjë dhe dy klubet më të mëdha të këtij vendi, Barcelona dhe Real Madrid kanë përpara sfida të vështira.
Federata Spanjolle e Futbollit ka hedhur sot shortin për këtë kompeticion dhe menjëherë janë mësuar edhe çiftet për katër ndeshjet e radhës.
Skuadra e Real Madrid do të ketë përballë në këtë sfidë Real Sociedad dhe ndeshja do zhvillohet në Santiago Bernabeu.
Barcelona do përballet me skuadrën e Athletic Bilbaos në këtë fazë, ndërsa dy çiftet e tjera janë Granada-Valencia dhe Mirandes-Villarreal. Ndeshjet do të zhvillohen midis datave 4, 5 dhe 6 shkurt./Fjala.al/
