Humbja 3-0 kundër Besëlidhjes në ndeshjen e Kupës së Shqipërisë ka tensionuar situatën në klubin e Partizanit. Drejtuesit e klubit kanë thirrur dje një mbledhje urgjente me futbollistët dhe stafin teknik, ku është analizuar ecuria e skuadrës në këtë fillim të pjesës së dytë të sezonit, që e gjen Partizanin pranë dështimit në të dyja kompeticionet, kampionat dhe kupë.
Humbja 3-0 me Besëlidhjen ka bërë që të mbushet kupa te kampionët, ndaj menjëherë është kërkuar një mbledhje urgjente e cila është
“Panorama Sport” raporton se mbledhja është zhvilluar me tone të larta, kritika dhe me ndëshkime financiare, ku nuk është kursyer askush, që nga punëtorët, lojtarët dhe stafi. Motivacioni i kësaj mase, që është komunikuar nga presidenti ka qenë për mungesë impenjimi dhe angazhimi.
Të pranishëm në mbledhje kanë qenë presidenti Gaz Demi, drejtori i përgjithshëm Olsi Rama, futbollistët dhe të gjitha stafet e skuadrës. Demi vënë ultimatum që kthesa të vijë menjëherë, në mënyrë që masat të mos përshkallëzohen. Presidenti ua ka bërë të qartë lojtarëve, që projekti me Sormanin është afatgjatë dhe fati i tyre sportiv varet vetëm nga trajneri italian.
