Fotografi I njohur shqiptar, Endrit Mërtiri ka deklaruar në emisonin “Wake Up” se ai ka hequr dorë nga realizimi i seteve fotografike me një pjesë e VIP-ve shqiptarë.
Mërtiri tha se ato i ndërhyjnë i kërkojnë shumë photoshop në foto dhe i ndërhyjnë në gjithçka.
“Jam shkëputur nga personazhet. Me modelet ti tregon artin tënd, dëshirat e tua, çfarë ti do të bësh. Ndërsa me personazhet, shumica, jo të gjithë, të ndërhyjnë te veshja, ndërhyjnë te grimi, tek pozat, ndërhyjnë dhe në post produksion dhe detyrohesh që fotot të mos i postosh fare pasi ke bërë çfarë ata kanë dashur dhe në fund të fundit, publiku ka të drejtë që thotë ‘sa shumë photoshop’ ose ‘nuk njihet’. Kjo është diçka që hyn automatikisht te profesionalizmi. Publiku është mjaftueshëm i zgjuar, disa gjëra i dallon. Të nxjerrin nga profesionalizmi jot dhe ti pastaj mundohesh ta bësh setin vetëm sepse nuk do t’ia prishësh ose nuk do ta mërzisësh,”- tregoi ai.
“Ndonjëherë edhe ai perfeksioni aq shumë i kërkuar është diçka që i ka lodhur njerëzit, të gjithë duam të dukemi bukur, të dukemi mirë por ka disa limite që është mirë ti respektojnë të gjithë,”– shtoi ai.
Pavarësisht udhëtimeve të shumta jashtë, Mërtiri ka vendosur të mos largohet nga Shqipëria dhe arsyeja që e mban këtu është familja e tij.
Ai rrëfeu se nuk e përballon dot largësinë nga vëllai e prindërit.
“Familja më mban në Shqipëri. Nuk jam mësuar të rri larg tyre. Largësia është diçka që nuk e përballoj dot. Jam i lidhur shumë me vëllain dhe prindërit,”- u shpreh Endriti.
Ndërsa shtoi se njerëzit janë të lodhur nga perfeksionizmi.
“Ndonjëherë edhe ai perfeksioni aq shumë i kërkuar është diçka që i ka lodhur njerëzit, të gjithë duam të dukemi bukur, të dukemi mirë por ka disa limite që është mirë ti respektojnë të gjithë,”– shtoi ai.
