Një 26-vjeçar nga Dibra është arrestuar në flagrancë pasi dyshohet se ka vjedhur orendi shtëpiake në një banesë dhe 15.000 lekë në një biznes në Peshkopi.
Pas informacioneve të grumbulluara nga policia për 26-vjeçarin J. B, efektivët e komisariatit të Dibrës kanë bërë të mundur arrestimin e tij.
Materialet procedurale do t’i referohen Prokurorisë Dibër, për veprime të mëtejshme.
Njoftimi Policisë:
Vijon puna për parandalimin e vjedhjeve, zbardhjen e atyre të ndodhura më parë, si dhe për kapjen dhe arrestimin e autorëve.
Zbardhen 2 vjedhje të ndodhura më parë, arrestohet në flagrancë 26-vjeçari.
Në vijim të punës për parandalimin e vjedhjeve, zbardhjen e atyre të ndodhura më parë, si dhe për kapjen dhe arrestimin e autorëve, shërbimet e Komisariatit të Policisë Dibër, mbi bazën e informacioneve të grumbulluara për një shtetas që dyshohej se kryente vjedhje banesash dhe lokalesh në qytetin e Peshkopisë, kanë organizuar punën duke bërë të mundur kapjen dhe arrestimin e tij.
Si rezultat i punës së mirë organizuar u bë arrestimi në flagrancë i shtetasit J. B., 26 vjeç, banues në Dibër.
Në vijim të hetimeve, bazuar edhe në provat e grumbulluara, dyshohet se ky shtetas ka vjedhur orendi shtëpiake në një banesë dhe 15.000 lekë në një dyqan në qytetin e Peshkopisë.
Vijon puna edhe për dokumentimin e disa vjedhjeve të tjera që dyshohet se janë kryer nga ky shtetas.
Materialet procedurale do t’i referohen Prokurorisë Dibër, për veprime të mëtejshme./Fjala.al
