Një ngjarje tragjike është regjistruar pasditen e së premtes 31 janar 2020 në Xhenova të Italisë. Një emigrante shqiptare 43 vjeç, e identifikuar si Laureta Zyberi, 43 vjeçe, është gjetur e vdekur në apartamentin ku punonte si pastruese shtëpie në lagjen Marassi të Xhenovës. Pranë trupit të saj pa jetë, është gjetur i plagosur dhe bashkëshorti i saj po shqiptar, Eduart Zyberi 54 vjeç.
Ka qenë pronari i apartamenti ku punonte shqiptarja i cili ka gjetur të dy trupat e mbuluar me gjak mbi dysheme. Më pas ka lajmëruar ndihmën e shpejtë mjekësore e autoritetet policore. Lajmin e bëjnë të ditur mediet lokale italiane. 40- vjeçarja shqiptar humbi jetën në vendngjarje ndërsa bashkëshorti i saj është në gjendje të rëndë në spitalin San Martino me një plagë të rëndë në stomak.
Po sipas medieve italiane nga hetimet e para mendohet se krimi është kryer me armë të ftohtë. Dyshohet se ka qenë bashkëshorti autori i këtij krimi i cili më pas ka tentuar të vetëvritet. Në apartamentin ku ndodhi ngjarja po kryhen verifikimet e rastit për të zbardhur të gjitha detajet e krimit.
Ky është versioni i parë i kësaj ngjarje tragjike i përcjellë nga mediet italiane deri në pritje që autoritet italiane të dalin me një komunikim zyrtar. Nuk dihet se cili ka qenë motivi i kësaj ngjarjeje, por ka dyshime që burri ka dyshuar për lidhje të bashkëshortes së tij me pronarin e banesës në të cilën ishte e punësuar. Është marrë në pyetje personi që ka lajmëruar policinë, të afërt të çiftit dhe pritet të hidhet dritë mbi ngjarjen e rëndë. n.k/Fjala.al/
