Halit Valteri, deputet i Grupit Parlamentar Demokrat, ka qenë i ftuar në Uashington të SHBA-së për të marrë pjesë në konferencën e organizuar nga OSBE për politikanët e rinj.
Deputeti Valteri gjatë konferencës ka diskutuar mbi situatën politike në Shqipëri, dhe jo vetëm, me zyrtarë të lartë të OSBE-së, Komitetit të Helsinkit, por edhe me kongresmenë amerikanë.
Burime për Fjala.al, raportojnë se ndër të tjerë ai ka takuar Presidentin e Asamblesë Parlamentare të OSBE-së, George Tsereteli si edhe kongresmenin amerikan, Alcee L. Hastings i cili është njëkohësisht kryetar i Komitetit të Helsinkit në SHBA.
Bëhet me dije se gjatë këtyre takimeve, deputeti Halit Valteri ka marrë edhe mbështetjen e SHBA për Shqipërinë për zhvillimet demokratike në vend.
Punimet e konferencës së OSBE-së i ndoqën nga afër shumë zyrtarë dhe politikanë amerikanë.
