Dritan Dajti nuk shëtit vetëm nëpër bllok, nëpër klinikat më të mira të vendit po ai edhe kryen takime se 20 herë më shumë se sa e parashikon ligji. Në fakt kur bëhet fjalë për të burgosurin me këtë emër gjithnjë thuhet se Drejtoria e Burgjeve, e burgut në të cilën gjendet dhe të gjithë mekanizmat e tjerë, janë të dorëzuar para çdo dëshire që ai shfaq.
Por me sa duket këtij dorëzimi ka refuzuar t`i bindet edhe vetë ministrja e Drejtësisë Etilda Gjonaj, e cila tregoi edhe situatën e habitshme.
Duke iu referuar situatës skandaloze që në fakt ka kapur burgjet prej shumë kohësh ministrja e Drejtësisë, Etilda Gjonaj, për ta ilustruar këtë fakt me situatën skandaloze të gjetur në burgje dha gjithashtu edhe të dhënën tronditës. “Një i burgosur”- tha ajo -“gjatë një viti ka zhvilluar 850 takime në një kohë kur ligji parashikon 48.”
Kaq ishte deklarata e ministres për këtë rast skandaloz. Burimet bëjnë me dije se ky fakt i përket Dritan Dajtit.
Kjo shifër rekord takimesh është përftuar nga kalimi në skaner i regjistrave të vizitorëve kur Dajti ishte në paraburgimin 302 Tiranë dhe më pas në burgun e Peqinit.
Nga këtu doli dhe u shoqërua me eskortë në dy klinika të specializuara për sytë, pasi kishte thënë se kishte probleme. n.k/Fjala.al/
