Kryeparlamentari, Gramoz Ruçi ka nxjerrë në pah të shkuarën e tij si politikan në periudhën e diktaturës. Gjatë seancës së sotshme plenare ai i është drejtuar deputetit Lefter Maliqi me shprehjen e famshme të përdorur në komunizëm.
“Shoku, shoku Maliqi, mbaroi koha”, -është shprehur Ruçi.
Deputeti na ana e tij ka ngritur shqetësimin për mungesën e infermierëve dhe të mjekëve. Maliqi akuzon se nisma KÇK është marrë për të goditur opozitën dhe gjyqtarët e prokurorët e korruptuar.
“KCK s’paska të bëjë me të dënuar, as me gjyqtarë e prokurorë, por do ja dëgjoni krismën. Kësaj polici-shtet do jetë ndaj opozitarëve dhe jo ndaj oligarkëve të tyre që po pastrojnë paratë me ndërtime në Tiranë. Sot vdiq një i burgosur në Peqin, ka vajtur polici e ka gjetur pa ndjenja dhe e kanë çuar në spital të vdekur.
Kjo për shkak se të burgjet por edhe tërë administrata është bërë KÇK nuk ka infermiere, nuk ka mjekë. Janë kthyer burgjet në pronë private, ku komandohet, lirohen, transferohen, për shkak të emërimeve të oligarkëve. Peshku është qelbur nga koka, të këpusim kokën e peshkut është vota e lirë dhe zgjim popullor”, -pohoi Lefter Maliqi./Fjala.al
