Britaniku me koronavirus e mposhti sëmundjen duke pirë një gotë uiski të ngrohtë me mjaltë.
Connor Reed, një mësues 25- vjeçar u diagnostikua me koronavirus nga doktorët në Wuhan rreth dy muaj më parë.
Ai shkoi në spital pasi kishte probleme me frymëmarrjen dhe një kollë të rëndë, të gjitha këto janë simptoma klasike të këtij virusi.
I shokuar, i riu u mbajt në spital për javë të tëra.
Connor me origjinë nga Uellsi i Veriut, ka jetuar në Kinë për tre vite.
Ai tha: “Unë u shokova kur mjekët më thanë se vuaja nga koronavirusi. Mendova se do të vdisja por ia dola ta mposhtja.”
“Kam pirë antibiotikun i cili më ndihmonte të kontrolloja kollën që kisha dhe pija uiski të ngrohtë me mjaltë derisa u largua kolla”.
“Është një ilaç popullor që pati efekte pozitive.”
“Në punë nuk kam shkuar për rreth dy javë dhe shefi mendon se do rikthehem ne pak javë, por nuk jam shumë i sigurt. Wuhan-i është kthyer në një qytet fantazmë- nuk sheh askënd nëpër rrugë dhe dyqaneve po i’u mbarojnë ushqimet. Në farmaci kanë mbaruar dhe maskat dhe nëse dikush del në rrugë pa maskë, policia e arreston.”
“Autoritetet janë vërtet të shqetësuar për mënyrën se si ta kontrollojnë virusin dhe si ta ndalojnë përhapjen e tij.”
“Më ofruan vend në fluturim në mënyrë që të largohesha nga Kina, por unë nuk do iki. Unë jam, prova se koronavirusi mund të mposhtet.”/Fjala.al/Burimi: The Sun
