Duke u ndalur te lirimi nga burgu i disa prej “kokave” të krimit në Shqipëri, Ermonela Felaj tha në emisionin “Real Story” në News 24 se këta gjyqtarë dhe prokurorë nuk do t’i shpëtojnë hetimit.
E pyetur se pse paketa “Anti-KÇK” nuk do të hetojë këta gjyqtarë e prokurorë, që kanë liruar kriminelë, siç ishte rasti i bujshëm i Indrit Dokles, i liruar nga gjyqtarja e Krujës, Enkelejda Hoxha, deputetja tha se ata do të hetohen nga Inspektorati i Lartë i Drejtësisë.
“Rasti i kësaj gjyqtareje të Krujës dhe të tjerëve, që kanë vepruar si ajo, do të trajtohet nga Inspektori i Lartë i Drejtësisë. Në rastin kur gjyqtarë e prokurorë nuk do të veprojnë siç urdhëron ky ligj, do të nisë procedimi penal ndaj tyre. Rrethi i personave që ka për objekt ky akt normativ nuk është vetëm i atyre të shpallur në kërkim, por edhe atyre që janë nën hetim”, tha Felaj, e cila është kryetare e Komisionit Parlamentar të Sigurisë.
Indrit Dokle ka qenë anëtar i bandës së Durrësit. Ai ishte dënuar me burgim të përjetshëm për përfshirje në vrasje dhe më pas me një dënim të dytë me disa vite heqje lirie për trafik droge nga brenda burgut. Por pavarësisht dënimeve, Dokle u lirua së fundmi nga gjyqtarja Hoxha.
Po lirohen kriminelët, gazetari-deputetes së PS: Kanë përfituar nga amnistia juaj
“Nëse krimineli rri me politikanin, ç’do i bëjë polici me antiKÇK-në?”
