Burri i cili vrau gruan me thikë në sy të fëmijëve të mitur në Xhafzotaj të Durrësit ka dhënë një dëshmi tronditëse në polici.
45-vjeçari ka pranuar se krimi i rëndë ka ndodhur për shkaqe xhelozie, duke u shprehur se gruaja e tij, Manjola fuste njerëz të panjohur në banesë, ndërsa ai ndodhej në emigrim në Greqi. Lulzim Cuku ka justifikuar krimin e tmerrshëm duke deklaruar se gruaja e tij e kishte kthyer shtëpinë në shtëpi publike.
“Jam penduar shumë për veprimin tim. Nuk duhet të kishte ndodhur kjo, nuk duhet të kisha qëlluar mbi Manjolën. Fëmijët e mi ngelën rrugëve tani. Jam shumë i dëshpëruar. Tentova disa herë të vetë-vritesha, por nuk ia dola. Sherri i fundit ndodhi pasi prej kohësh kishim debate. Kisha dyshime se ajo fuste njerëz të tjerë në shtëpinë tonë, ndërkohë që unë isha në Greqi. E kishte kthyer shtëpinë në shtëpi publike, fuste brenda lloj-lloj njerëzish. I kërkova të mos e bënte më këtë veprim, por sapo unë ikja në Greqi, më thoshin njerëzit se ajo vazhdonte të fuste njerëz të panjohur në shtëpi.
Për këtë arsye u ktheva nga Greqia. Gjatë kësaj kohe debatonim shpesh. Atë natë situata doli jashtë kontrollit dhe unë e qëllova me thikë. Nuk mendova se ka vdekur, pasi e lashë të shtrirë në tokë. Nga mediat e dëgjova që kishte ndërruar jetë. Më vjen shumë keq, sidomos për fëmijët që mbetën në mëshirë të fatit”, u shpreh ai në dëshminë tij në polici./Fjala.al
