Një mesazh kërcënues mbërriti pak kohë më parë ne adrese te Drejtorit te Përgjithshëm të Burgjeve Agim Ismailaj. Për këtë ngjarje të rëndë Prokuroria e Tiranës Nisi menjëherë hetimet.
Por vetëm sot u bë e mundur që të bëhet publik për median mesazhi i ndaj Agim Ismailajt.
“Të kam nisur dy herë fjalë me njerëzit e tu, ti vazhdon me na ra në qafë, ky është paralajmërimi i fundit, nëse do të vazhdosh ty dhe familjarët i pret një fund i tmerrshëm, po deshe provoje nuk do gëzohesh një minutë ,» është mesazhi kërcënues që Muharrem Zilija ja kishte dërguar Agim Ismailajt.
Kërcënimi me jetë dyshohet se vjen si reagim i personave të dënuar për masat e rrepta që po aplikohen ne sistemin e burgjeve shqiptare, sistemi ’41 bis’.
Prej tre muajsh Agim Ismaili ka vënë në zbatim në dy burgje 313 Tiranë dhe në Peqin, rregullat e izolimit qe parashikon ligji “41 bis”. Këto rregulla janë kundërshtuar shpesh herë nga të dënuarit për vepra të rënda kriminale. Fjala.al
