Gjykata penale e Tiranës ka pushuar çështjen e Agron Tufës ndaj Spartak Brahos, Sabit Brokajt, Fatos Tarifës, Shaqir Vikajt dhe një gazete të përditshme shqiptare, të cilët Tufa i kishte akuzuar për fyerje dhe shpifje.
Çështja u pushua nga gjykata pasi shkrimtari Agron Tufa përmes avokatit të tij Shpëtim Cakrani nuk u paraqitën në gjykatë. Për këtë arsye, gjykata vendosi që pala nuk ka interes dhe e mbylli çështjen.
Shkrimtari dhe ish-drejtuesi i Institutit për Krimet e Komunizmit Agron Tufa u largua nga Shqipëria duke kërkuar azil në Zvicër pasi u kërcënua me jetë për shkak të detyrës që mbante.
Ai paraqiti dorëheqjen nga Zvicra, nëpërmjet një letre dërguar kryetarit të Bordit Drejtues te ISKPK, Uran Butka.
