Djali I personit të 11-të më të pasur në Rusi, bën një jetë shumë të thjeshtë.
Ndryshe nga ajo që jemi mësuar të shohim për fëmijët e të pasurve, Alexander Fridman nuk bën një jetë luksi si moshatarët e tij të cilët ndodhen në të njëjtat kushte.
Sipas “Bussiner Insider”, djali jeton me qira në një apartament me dy dhoma në periferi të Moskës për 500 dollarë në muaj dhe përdor metro për të shkuar në punë çdo ditë.
“Unë ha, jetoj dhe vishem me gjithçka që fitoj vetë”, tha 19-vjeçari Fridman, babai i të cilit, Mikhail Fridman, ka një pasuri prej 13.7 miliardë dollarësh.
Fridman u kthye në Moskë vitin e kaluar, pasi mbaroi shkollën e mesme në Londër.
Pesë muaj më parë, ai krijoi “SF Development”, duke përdorur lidhjet dhe njohjet e tij.
“SF Development” shpërndan produkte në dyqanet me pakicë të babait të tij, përveç klientëve të tjerë.
“Unë kam miq që kanë mbaruar studimet dhe janë 23 vjeç tani, të cilët fitojnë nga 80 mijë dollarë në 100 mijë dollarë duke punuar 16 orë në ditë.
Ju mund të fitoni më shumë para dhe në një mënyrë më të zgjuar”, tha Fridman.
Babai i Fridmanit, Mikhail Fridman, u bë personi i 11-të më i pasur i Rusisë me kompaninë themeluese të investimeve “Alfa Group”.
Kompania ka aksione në supermarketet “X5 Retail Group” dhe në bankën e pestë më të madhe të Rusisë.
Aleksandri tha për median se planifikon ta dhurojë pasurinë e tij për bamirësi në vend që ta mbajë në familjen që do të krijojë më vonë.
“Babai im më tha që në vendin tonë biznesi dhe politika janë ndërthurur thellësisht. Unë jetoja me mendimin se kurrë nuk do të trashëgoja ndonjë pasuri”, u shpreh Alexander Fridman.
Ky është padyshim një rast unik që nuk na rastis ta shohim shpesh dhe ky djalosh ka një vullnet për t’u admiruar.
