Autoritetet japoneze në Tokio, janë detyruar të karantinojnë një anije pasi u zbulua se një pasagjer ishte i infektuar me coronavirus.
Anija, ‘Diamond Princess’, përfundoi itinerarin e planifikuar 14-ditësh më herët dhe aktualisht është vendosur në brigjet e Yokohama, jo larg kryeqytetit japonez.
Mjekët janë duke vizituar çdo pasagjerë për temperaturë. Disa pasagjerë kanë raportuar të ndihen të sëmurë dhe testet e para që do të tregojnë nëse kanë ose jo coronavirus zgjasin katër deri në pesë ditë.
Në bord ndodhen 2666 pasagjerë dhe 1045 anëtarë të ekuipazhit, tha në një deklaratë ministria.
Japonia ka konfirmuar 20 raste të coronavirusit, me 17 nga të infektuarit që vijnë nga Wuhan.
Numri i të vdekurve në territorin e Kinës arriti në 420 me mbi 20,000 raste të konfirmuara globalisht./Fjala.al
