Një ngjarje rëndë ka ndodhur mëngjesin e sotëm në aksin Elbasan-Librazhd, në vendin e quajtur Krastë. Sipas të dhënave paraprake policia është vënë në ndjekje të një automjeti tip “Passat”, i cili nuk i është bindur urdhrit të efektiveve për të ndaluar.
Automjeti, i cili po vinte nga Librazhdi për në Elbasan, kishte dy persona të cilët kanë mbetur të plagosur.
Policia ka hedhur zinxhirë me gozhdë ne rrugë duke bërë që automjeti të përmbyset si pasojë e shpejtësisë. Përmbysja e tij është bërë një burim aksidenti pasi dy makina të tjera janë përplasur ku mes tyre edhe një makinë auto-shkollë.
Mes autorëve që janë vënë në ndjekje dhe policisë janë shkëmbyer zjarr ku ka mbetur i plagosur rëndë një efektiv policie.
Nga përplasja janë plagosur 5 persona, të cilët janë transportuar me urgjencë në spital.
Emrat e të plagosurve nga kjo ngjarje janë: Eugen Abdurrazaku, efektivi i policisë, Diana Plaka, Durim Plaka (burrë e grua), Albert Cani, instruktor autoshkolle dhe Adriana Mukja./Fjala.al
