Komandanti i Gardës së Republikës Gramos Sako i është nënshtruar sot Vettingut duke dalë përpara Komisionit të Jashtëm të Vlerësimit. Komisioni ka deklaruar se ka një mungesë të dokumentimit të burimeve financiare dhe është konstatuar një pasaktësi në deklarimin e pasurisë gjatë kohës që kishte blerë një apartament në kryeqytet.
Gjitashtu Sako ka mungesë financiare për shlyerjen e kredisë së marrë në shumën prej 3 milionë lekësh e cila është marrë me afat 20 vjeçar por është shlyer Brenda 3 ditësh.
Komisioni ka deklaruar gjithashtu se shitja e një automjeti nga ana e Sakos në vlerën 15 mijë euro, mjet të cilin e kishte blerë në vlerën 450 mijë lekë përben shkelje pasi kontrata e shit-blerjes së makinës ka qenë fiktive. Ai rezultonte të ishte pronar i një bar kafeje me status pasiv, e cila rezulton me detyrime ndaj tatimeve, ndërkohë që Komisioni tha se subjekti ka pasur konflikt interesi në ushtrimin e funksioneve publike.
Pretendohet se ka shfrytëzuar postin për rritje gradash pa kriter, abuzime me dietat dhe parregullsi me etikën profesionale.
Gjatë viteve 2015-2019, mbesa e Sakos, vajza e motrës së tij është punësuar si juriste pranë Gardës së Republikës, që sipas Komisionit Sako ka kryer favorizim duke cënuar figurën e tij./Fjala.al
