Ish-drejtuesi i lartë në Policinë e Shtetit Erzen Breçani tha në “Opinion” se sekuestrimi i pronave që synon OFL-ja është një procedurë e cila i mbivendoset ligjit të Antimafias dhe është e vështirë.
Ai kujtoi një episod nga karriera e tij kur ka shoqëruar ish-kreun e bandës së Durrësit, Lulzim Berisha pasi ky i fundit ishte arrestuar në Maqedoni dhe po transportohej në Tiranë.
“Unë kam shoqëruar Lulëzim Berishën në aksionin kur ai është arrestuar. Kam pasur një komunikim me të sepse e kisha në makinë. Në pyetje e sipër i thashë: Ti je kriminel, ke vrarë. Duhet të të sekuestrohet edhe pasuria. Kur është arrestuar Lulëzim Berisha nuk ka pasur ligj Antimafia. Ai më tha mua që unë kam frikë vetëm një njeri në Shqipëri, ai është Sali Berisha, sepse nuk pranon me bashkëpunu dhe të ekzekuton me u marr me veprimtari të tilla. Tha: Unë e kam aq formim sa që dy troje të cilat i kam të miratuara me leje ndërtimi, i kam shit në kohë dhe asnjë lloj pasurie nuk më gjeni”, tha Breçani.
