Diskutimi në emisionin “Open” në Top Channel mbi paketën “Anti KÇK” është shoqëruar me debate midis gazetarëve dhe ministrit të Brendshëm, Sandër Lleshaj.
Gazetarja Anila Hoxha tha se “Anti KÇK”-ja dhe “OFL”-ja i duken si film aksion që do të shndërrohet në telenovelë. Gazetarja pyeti ministrin Lleshaj se përse OFL u shfaq në fillim te kompleksi “Golden” i Altin Hajrit në Shijak, kur ai kompleks kishte vite aty dhe nuk ishte reaguar.
Debati
Anila Hoxha: Përse u kujtuat kaq vonë kur edhe strukturat janë. Ku qëndron emergjenca, çfarë duhet të dimë? Në dokument thuhet “qëllimi i aktit ndërhyrje emergjente” dhe përse në Shijak.
Sandër Lleshaj: Përse në Shijak?
Hoxha: Mua më duket se po shikoj një film aksion që ka tre dit që zgjat dhe pak nga pak po kalojmë në telenovelë.
Lleshaj: Unë nuk jam shumë i shkathët në media.
Hoxha: Do mësohesh.
Lleshaj: Kudo që ta kishim nisur do ishte bërë kjo pyetje, do ishte legjitime. Në Shijak kishim një ngjarje që kishte ndodhur ato ditë që kishte kaluar ligji. Kishim një rrëmbim. U pa që autorët kishin përdorur një super resort.
Hoxha: Kompleksi mbi nga shiu, brenda ditës duhet të jetë ndërtuar?!
Lleshaj: Unë nuk e di, ti e di kur mbiu?
Hoxha: Por brenda natës nuk u ndërtua, aty e kishit.
Lleshaj: Është një rast i proceduar i hetuar, persona të dënuar, por tani u kapën në një situatë të pakundërshtueshme të një krimi makabër.
Lirimi i Lul Berishës dhe roli i Vangjush Dakos, komenton Sandër Lleshaj
Anti KÇK-ja, ministri Lleshaj: Është proces administrativ, jo penal
