Mjekët italianë ia kanë dalë ta shpëtojnë shqiptarin që i mori jetën gruas dhe tentoi të vetëvritej. Ai shkoi dhe e vrau bashkëshorten e tij në vendin e punës dhe pranoi që ishte bërë xheloz pasi dyshonte në një lidhje të bashkëshortes së tij me pronarin e banesës në të cilën punonte gruaja. Historia tronditi gjithë opinionin publik, ndërkohë që shqiptari mundi të jepte versionin e xhelozisë sapo u dërgua në spital.
Mediat italiane kanë treguar ditën e sotme se Eduart Zyberi ka dalë nga reanimacioni dhe ndodhet në gjendje të mirë shëndetësore. Muratori shqiptar tentoi të vetëvritej, pasi i mori jetën bashkëshortes së tij Laureta, duke e goditur atë me thikë. Ngjarja e rëndë ndodhi të premten e shkuar në Genova të Italisë, në apartamentin ku gruaja 43-vjeçare punonte. 53-vjeçari ndodhej i shtruar që qendrën e traumës, në spitalin San Martino. Sipas mjekëve, shqiptari tashmë është jashtë rrezikut për jetën.
Sipas asaj që shkruhet nga mediet vendase, gjatë ditëve në vijim sapo gjendja e tij të jetë stabilizuar, do të merret në pyetje, ndërkohë që mbi të është vendosur masa e arrestit. Megjithatë Zyberi e ka pranuar krimin nga shtrati i spitalit. Skenën e rëndë e zbuloi i zoti i shtëpisë, i cili ishte rikthyer si zakonisht nga puna. Pas krimit të rëndë dyshohet se qëndrojnë motive pasioni, por gjithçka pritet të jetë më e qartë pasi hetuesit të marrin në pyetje shqiptarin. Nga dëshmitë që oficerët e policisë i kanë marrë familjarëve dhe të njohurve të çiftit të martuar prej 25 vitesh, askush, madje as fëmijët, nuk kanë folur për zënka apo ndarje mes tyre. n.k/Fjala.al/
