Policia greke i ka thënë medies vendase se ka hedhur dritë mbi një krim të rëndë të ndodhur 5 vite më parë. Sigurisht që autorë janë shqiptarë. Grekët e hetimit kanë mundur të kapin njërin nga ata që dyshohet që kanë qenë në banesën ku është gjetur e pajetë një person ndërkohë që kishte humbur jetën pikërisht nga dhuna e ushtruar nga dy persona. Gjithçka kishte ndodhur në një skenë grabitjeje. Policia mban sekret emrin e shqiptarit të arrestuar, ndërkohë që ditën e hënë ai pritet të dalë para gjykatës së Selanikut për tu njohur me masën paraprake të sigurisë.
Policia greke lajmëroi se një shqiptar 40-vjeçar u arrestua për vrasje që kishte kryer pesë vjet më parë në Plagiari, Selanik gjatë një vjedhje me dhunë. I arrestuari, së bashku me bashkëpunëtorin e tij, kishin torturuar për vdekje një 85-vjeçar vendas. Ai kishte refuzuar tu tregonte se ku i kishte paratë, atëherë dy personat-grabitës e kishin torturuar derisa i kishin marrë jetën.
Ai ishte në pritje të urdhrit të arrestit nga autoritete vendore të Selanikut, ku identifikua si një nga autorët e vrasjeve dhe grabitjeve të 85-vjeçarit, më 15 gusht 2015. Rasti kishte tronditur komunitetin lokal, si dhe tërë vendin, pasi i moshuari ishte torturuar për vdekje nga dy autorët. Aso kohe kur ndodhi ngjarja u tha se brenda shtëpisë ishte edhe motra e moshuar e sëmurë rëndë e viktimës, që autorët nuk kishin arritur ta vinin re e për pasojë duket se kishte mundur të shpëtonte gjallë. n.k/Fjala.al/
