Bashkëshorti që i mori jetën gruas së tij ka vijuar të hedh akuza mbi viktimën e tij. Në sallën e gjyqit sot ka lëshuar akuza të tjera mbi Manjolën duke treguar se ai e ka rrahur dhe se donte t`i merrte shtëpinë. Ndërkohë që ditën e djeshme ka qenë motra e viktimës e cila ka hedhur dritë mbi gjithë mekanizmin se si ka nisur përplasja mes çiftit për shkak të shtëpisë. Edhe sot në sallën e gjyqit ai e ka pranuar konfliktin për pronësinë e banesës po jo me shkakun se shtëpinë e tyre e donte vëllai i tij, ai i cili dyshohet se ka marrë pjesë në krim bashkë me të vëllanë.
Megjithatë do të jenë familja që do të hedhin dritë mbi gjithçka ka ndodhur në shtëpinë e tyre, po ashtu siç edhe familja e viktimës. Burime nga gjykata e Durrësit, bëjnë me dije se Lulëzim Cuku ka rrëfyer arsyet se pse e vrau bashkëshorten e tij, Manjola Cuku më 1 shkurt duke thënë se konflikti kishte nisur 3 muaj më parë. Cuku pretendon se gruaja e tij e rrihte dhe donte t’i merrte shtëpinë, ose treçerekun e saj për vete. Autori i vrasjes thotë gjithashtu se ai kishte bërë dokumentet për ta marrë atë në Greqi por ajo refuzonte.
Kur gjykata e ka pyetur në lidhje me kohën kur ka nisur konflikti dhe a e dije që gruaja ishte me urdhër mbrojtjeje, autori i vrasjes mizore të nënës së fëmijëve të vet thotë: “Ka tre muaj. Unë erdha dhe bëra dokumentet se doja të merrja në Greqi por ajo më tha nuk lëviz prej shtëpie. I thashë që eja në Greqi po nuk vinte. Për këtë kishim filluar të ziheshim. Erdha nga Greqia dhe vajta në shtëpi, kisha gjetur lloj-lloj gjërash aty. Ajo më rrihte. Më thoshte dil nga shtëpia. Treçereku i shtëpisë është e imja dhe e fëmijëve. Mos na u afro. Po unë po rrija në shtëpinë time”. Mësohet se ditën e sotme, me 6 shkurt i përfundonte edhe urdhri i mbrojtjes Manjolës, pasi ai kishte kohë që ishte pajisur me të. n.k/Fjala.al/
