Gazetarët në emisionin “Open” në Top Channel kanë kritikuar paketën “Anti KÇK” të mazhorancës socialiste, ndërkohë që përballë tyre është ministri i Brendshëm, Sandër Lleshaj. Gazetarët kanë ngritur dyshime mbi seriozitetin e “Operacionit Forca e Ligjit” dhe sidomos në rastin e Lulzim Berishës, ish-kreu i Bandës së Durrësit.
Berishës iu dërgua për të plotësuar formularin për pasurinë, por gazetarët kujtuan se ishte pikërisht Vangjush Dako, ish-kryebashkiak socialist i Durrësit, që i mundësoi lirimin nga burgu duke i siguruar një kontratë pune.
Ministri Lleshaj komentoi për herë të parë rolin e Dakos në këtë histori, duke shprehur zhgënjimin e thellë.
“Nuk e preferoj të merrem me emra konkret. (Lulzim Berisha) Ka qenë i dënuar, është i liruar për arsye të ndryshme me bashkëautorësinë e disa njerëzve. Përse lirohet nuk i jap dot përgjigje. Tjesht mund të shpreh zhgënjimin tim të thellë për këdo që pranon të hapë derën e burgut për një person të dënuar me burgim të përjetshëm. Kushdo që ka ndihmuar në lirimin e tij nuk e ka mirëkuptimin tim”, u shpreh Lleshaj.
Anti KÇK-ja, ministri Lleshaj: Është proces administrativ, jo penal
