Ambasadori i Bashkimit Evropian në Shqipëri, Luigi Soreca ishte sot në Vlorë. Takoi kryebashkiakun, Dritan Leli, dhe pati një bashkëbisedim me të rinjtë, ku foli për sfidat me të cilat ata përballen dhe se si Bashkimi Evropian mund t’i përkrahë.
Ndërkohë Soreca komentoi nga Vlora “Operacionin Forca e Ligjit”. Ai tha se motoja “Ndiq paranë” është mënyra e më e mirë për të luftuar krimin e organizuar. Ai theksoi se ka vullnet politik për ta bërë një gjë të tillë. Soreca shtoi gjithashtu se Operacioni Forca e Ligjit duhet të jetë nën udhëheqjen e SPAK, prokurorisë së Posaçme kundër krimit të organizuar dhe korrupsionit.
“Sa i përket operacionit forcat e ligjit ne kemi bërë dhe më parë një deklaratë, dhe ne besojmë se logoja ndiq paranë është mënyra e duhur për të luftuar krimin e organizuar dhe tregon vullnetin politik për të trajtuar këtë problem.
Mënyra si do të impelemnetohet ky ligj është shumë e rëndësishme dhe ne po e ndjekim nga afër. Megjithatë mënyra sesi do zbatohet ky ligj është shumë e rëndësishme dhe ne po e ndjekim nga afër aplikimin e këtij ligji.
Është shumë e rëndësishme që kjo strukturë e re të ndjek natyrisht parimet qe kane te bëjnë me sundimin e ligjit por dhe me sundimin e të drejtave të njeriut, si dhe shume e rëndësishme qe kjo platforme të punojë nën udhëheqjen e SPAK. Jam në kontakt me ministrin e Brendshëm dhe javën që vjen do takohem me udhëheqësit e SPAK“, tha Soreca.
