Policia në Fier gjatë një kontrolli rutinë ndaj drejtuesve të mjeteve ka arrestuar 8 drejtues mjetesh pasi janë kapur duke drejtuar automjetet pa leje drejtimi. Ndërkohë një drejtues mjeti është shpallur në kërkim.
Gjatë 24 orëve të fundit janë vendosur 268 masa administrative nga të cilat 121 masa ne fushën e sigurisë rrugore (pa kaska mbrojtëse, pa rrip sigurimi, parakalim i gabuar dhe përdorim celulari). Kjo tregon se masat e policisë nuk kanë toleruar as pakujdesinë më të vogël.
Njoftimi i policisë:
Fier
Plan Masash nga Policia Rrugore Fier për zbatimin e normave të sjelljes nga drejtuesit e mjeteve për shkeljet që janë burim aksidenti për mjetet me dy rrota (ciklomotorrave).
Policia Rrugore e Qarkut Fier gjatë 24 orëve të fundit ka arrestuar 8 shtetas për drejtim mjeti të pa pajisur me leje drejtimi dhe ka kapur 1 shtetas të shpallur në kërkim.
Me qëllim parandalimin e aksidenteve dhe rritjen e sigurisë në rrugë, policia rrugore ka hartuar një plan masash të posaçëm për konstatimin dhe procedimin e personave që drejtojnë mjetet dhe motomjetet në mënyrë të parregullt, si dhe të shkeljeve të cilat janë burim i shtuar për aksidentet rrugore.
Nga kontrollet e ushtruara gjatë 24 orëve të fundit, janë konstatuar dhe kapur në kushtet e flagrancës 8 shtetas për drejtim të mjetit të pa pajisur me leje drejtimi si edhe u kap 1 shtetas i cili ishte në kërkim për veprat penale “Shkelje e rregullave të qarkullimit rrugor”, “Drejtimi i automjeteve në mënyrë të pa rregullt” dhe ”Largimi nga vendi i aksidentit”.
Specialistët e Sektorit të Qarkullimit Rrugor në DVP Fier arrestuan në flagrancë shtetasit e mëposhtëm pasi u kapën duke drejtuar motoçikletën pa leje drejtimi:
- Sh., 58 vjeç, banues në Lushnjë.
- O., 52 vjeç, banues në Divjakë.
- S., 47 vjeç, banues në Lushnjë.
- P., 52 vjeç, banues në Lushnjë.
- M., 37 vjeç, banues në Peqin.
- P, 53 vjeç, banues në Lushnjë.
- H, 33 vjeç, banues në Divjakë.
- H., 21 vjeç, banues në Fier për drejtimin e automjetit tip “Benz” pa leje drejtimi.
U ndalua shtetasi i shpallur në kërkim: A. R, 57 vjeç, banues në Fier për veprat penale “Shkelje e rregullave të qarkullimit rrugor”, “Drejtimi i automjeteve në mënyrë të pa rregullt” dhe ”Largimi nga vendi i aksidentit”.
Gjithashtu, gjatë kontrolleve të ushtruara, janë bllokuar 8 motomjete, janë proceduar për Komision 26 drejtues mjetesh për paligjshmëri në fushën e transportit të udhëtarëve.
Gjatë 24 orëve të fundit u vendosën 268 masa administrative nga të cilat 121 masa ne fushën e sigurisë rrugore (pa kaska mbrojtëse, pa rrip sigurimi, parakalim i gabuar dhe përdorim celulari).
Sektori i Policisë Rrugore në DVP Fier do vazhdoi punën për parandalimin e aksidenteve rrugore dhe rritjen e sigurisë së lëvizjes në rrugë dhe fton të gjithë përdoruesit e rrugës të respektojnë normat e sjelljes sipas përcaktimeve të Kodit Rrugor./Fjala.al
