Shqiptari Keidi Bare është momentalisht futbollisti më i rëndësishëm në skuadrën e Malagas. Ndërsa, klubi ndodhet në një nga momentet e veta më të vështira ekonomike, e vetmja zgjidhje shihet shitja e lojtarit.
“AS” raporton se Liga në të cilën konkurron kjo skuadër i ka kërkuar klubit spanjoll që të paguajë sa më shpejtë të jetë e mundur një shifër që shkon në 2 milionë euro.
Duke parë dhe nivelin e skuadrës dhe lojtarëve që ka në përbërje duket se vetëm shitja e Bares mund të sillte një shumë të tillë te Malaga.
Mediet vendase raportojnë se është hapur dhe mundësia e bisedimeve me skuadron e Getafes,e cila është e interesuar ta paguajë një shifër të tillë për kartonin e shqiptarit./Fjala.al/
